Një nga skandalet më të bujshme seksuale të këtyre 30 viteve që tronditi politikën amerikane, por dhe mori dhenë në të gjithë botën.
Bëhet fjalë për një nga ngjarjet më të përfolura në media, marrëdhënies mes Bill Clinton dhe Monica Lewinsky, mes viteve 1995-1997, kohë kur Clinton ishte presidenti i Shteteve të Bashkuara të Amerikës.
Linda Tripp, ish-zyrtare e Pentagonit, nisi të përgjonte telefonatat e Monica-s ku fliste për marrëdhënie intime me Presidentin, duke zbuluar të fshehtën e tyre.
Kjo histori e skandalit të bujshëm seksual mes ish-Presidentit Bill Clinton dhe ish-praktikantes në “Shtëpinë e Bardhë”, Monica Lewinsky, do të vijë shumë shpejt si serial.
Këtë sezon, “American Crime Story” do të quhet “Impeachment” dhe sipas “E!Nevvs”, do të tregojë akuzat e shumta ndaj Clinton.
Rolin e Linda Tripp do ta luajë Sarah Paulson, ndërsa Monica Lewinsky do të luhet nga Beanie Feldstein. Vetë Monica do të jetë producente, ndërsa skenari do të shkruhet nga Sarah Burgess.
Pritet që seriali të nisë trasmetimin më 27 shtator të vitit 2020.