Shtatorja e Gjergj Kastriot Skënderbeut që ishte parashikuar të vendosej në Lezhë në 575 vjetorin e Beslidhjes së princave shqiptar mbetet në magazinat e Bashkisë. Instituti i Monumenteve të Kulturës ende nuk ka përgjigje për kërkesën që Shtatorja e Heroit kombëtar të vendoset në sheshin pranë Memorialit .
Shtatorja e “Gjergj Kastriotit” e parashikuar për tu vendosur në sheshin me të njëjtin emer në qytetin e Lezhës vijon të qëndrojë në magazinat e Bashkisë Lezhë.
Instituti i Monumenteve të Kulturës ende nuk e ka shqyrtuar kërkesën e Bashkisë për vendosjen e shtatores.
Përgjegjësi i Trashëgimisë Kulturore Paulin Zefi thotë sheshi “Gjergj Kastrioti” është vendi më i përshtatshëm, për vendosjen e shtatores dhe nuk e cenon aspak zonën e arkeologjike.
Shtatorja e Gjergj Kastriotit e parashikuar për tu vendosur në kuadër të 575-vjetorit të Besëlidhjes së Lezhës solli përplasje mes bashkisë dhe Ministrisë së Kulturës.
Kjo e fundit nuk lejoi vendosjen e shtatores me argumentin se vendi i përcaktuar ishte zonë arkeologjike dhe ka paditur penalisht bashkinë Lezhë për punimet që kishte nisur.