Karabinierët e ekipit të hetimit në Torino arrestuan dy shqiptarë, me kërkesë të lëshuar nga prokuroria në Ivrea, pasi kryenin vjedhje parash nga makinetat e lojrave të fatit. Hetuesit i gjurmuan në provincën e Casertës.
Ata përgatitën vjedhjet në dhomat e lojërave elektronike duke simuluar teknikat ushtarake, dhe duke përdorur pajisje për të shpuar muret.
Sapo identifikuan dhomën që do të grabitej, dy shqiptarët identifikuan sensorët e alarmit, njësinë e kontrollit për t’u neutralizuar, dhe murin që do të shpohej. Të veshur me pantallona të gjera dhe helmeta të pajisura me llamba, ata depërtuan nëpër dyert e brendshme.
Episodet e diskutuara janë shtatë vjedhje, të cilat datojnë nga periudha midis janarit dhe qershorit 2019, në një vlerë prej rreth 200 mijë euro.
Më 3 janar të vitit të kaluar, në Chivasso, ata kishin marrë mbi njëqind mijë euro para të thata.
Nga hetimet e kryera është bërë jo vetëm identifikimi i autorëve, por edhe gjetja dhe kapja e tyre në provincën e Casertës.