Mbrëmja e së enjtes ishte e zezë për skuadrat shqiptare në Kupat e Europës. Laçi, Vllaznia e Tirana janë eliminuar që në turin e dytë të Ligës së Konferencës. Asnjë skuadër shqiptare nuk vijon aventurën në Europë, pasi të gjitha janë eliminuar. Partizani u eliminua që në turin e parë.
Përveç zhgënjimit në aspektin sportiv eliminimi i klubeve shqiptare në raundin e dytë kualifikues të Conference League la bosh edhe arkat.
Llogaritet që klubet tona humbën rreth 1 milionë euro nga këto disfata, ndërsa futbolli shqiptar me këtë ritëm rezultatesh rrezikon të zbresë në renditjen e UEFA-s dhe për rrjedhojë të reduktohet numri i skuadrave që marrin pjesë në kompeticionet europiane.