Ish ministri i Drejtësisë Ylli Manjani me një status në Facebook duke përmendur sms-të mes kryeministrit Rama dhe ambasadorit të BE-së, Luigi Soreca, si dhe ngjarjen e mbrëmshme te “Seliva” i quan këto kulmin e anti-kushtetueshmërisë.
“Nga Shkoza tek Unaza, nga Bregu i Lumit tek Selvia, prona rrëmbehet e pronarët dhunohen nga shteti me urdhër verbal.Kjo është Kushtetuta e sundimit politik të Rilindjes! Kjo kushtetutë sigurisht nuk lejon demokraci e zgjedhje të lira.Naivët bëjnë mirë të hapin sytë, se kur t’u shkojë policia në derë do jetë shumë vonë..! Dhe më në fund, Soreca, Mogherini, Hahn, EURALIUS, OPDAT, ONM,OSBE e çka tjetër, Faleminderit shumë! Faleminderit që nuk patë drogën dhe nuk shihni qeverisjen më anti-kushtetuese që kemi patur ndonjëherë!”, shkruan Manjani
STATUSI I PLOTE I YLLI MANJANIT
Dyqani te Selvia dhe “ustai” rilindas…
Nëse ka ende ndonjë naiv që beson Kryeministrin kur flet si mbrojtës i Kushtetutës, i sugjeroj të shohë pamjet tsk Selvia mbrëmë.
Të shohë se si policë të shtetit, që paguhen për të mbrojtur pronat e liritë e njerëzve i DHUNOJNË ato!
I dhunojnë hapur, pa ligj, pa proçes të rregullt e pa asnjë masë njerëzore. Media raporton që policia u prishi shtëpinë, pavarësisht se pronarët janë paisur me çertifikatë pronësie.
Ky është kulmi i ANTI – KUSTHTETUTSHMËRISË!
Kjo sjellje ndodhi bash në kohën kur media zbuloi diskutimin privat “kushtetues” Rama – Soreca.
Ja ku e kanë Kushtetutën!
Nga Shkoza tek Unaza, nga Bregu i Lumit tek Selvia, prona rrëmbehet e pronarët dhunohen nga shteti me urdhër verbal.
Kjo është Kushtetuta e sundimit politik të Rilindjes! Kjo kushtetutë sigurisht nuk lejon demokraci e zgjedhje të lira.
Naivët bëjnë mirë të hapin sytë, se kur t’u shkojë policia në derë do jetë shumë vonë..!
Dhe më në fund, Soreca, Mogherini, Hahn, EURALIUS, OPDAT, ONM,OSBE e çka tjetër, Faleminderit shumë!
Faleminderit që nuk patë drogën dhe nuk shihni qeverisjen më anti-kushtetuese që kemi patur ndonjëherë!
Faleminderit që shpallni fajtorë opozitën që vetëm denoncon dhe nuk shihni asnjë faj tek qeveria që DHUNON!
Po e ndihmoni Shqipërinë sa më ska!
Turp e shkuar turpit!
