Pedagogu Ermal Hasimja thotë se sondazhet që zhvillohen tre muaj përpara zgjedhjeve është shumë herët për të marrë një përgjigje të saktë nga qytetarët. Hasimja thekson se pyetja e madhe e këtyre zgjedhjeve është nëse gara do të ndahet me 1 ose 2 deputetë apo gjërat do të ndahen më qartë.
“Nuk i besoj sondazheve që bëhen në Shqipëri. Sidomos sondazheve në këto momente. Është shumë shumë herët. Duhet parë ndonjë sondazh që është të themi, 5 deri në 10 ditë përpara, ato janë më shumë të besuara sepse përmblidhen gjërat dhe ka njerëz që ngurojnë të flasin ose ende nuk e kanë krijuar mendimin e tyre. Ka plot të tillë në Shqipëri.Unë mendoj që, gjithsesi, pesha e tjerrjes së pushtetit do të ndjehet fuqishëm në këto zgjedhje. Pastaj pyetja është se çfarë rezultati do të japë kjo. A do të jetë një betejë që do të bëhet për 1 ose 2 deputetë apo do të jetë diçka që do ti prejë gjërat më qartë për të gjithë. Kjo është pyetja e madhe.”-tha pedagogu.