Aleksandër Frangaj bën përgjegjës për humbjen e PD vendimin e Bashës për të bërë koalicion me LSI. Sipas sondazhit “sekret” që nuk u publikua të porositur nga TV KLAN, Ilir Meta dhe Monika Kryemadhin rezultonin dy personat me negativitetin më të madh.
“Për sa kohë Basha ishte në koalicion me Ilir Metën, nuk kishte asnjë shans që të marr vota. Strategjia që ndoqi Rama, ka ardhur si rezultat i sondazheve të tij, ku njeriu më negativ ndër politikanët shqiptarë ishte Ilir Meta, me 80%. Lul Basha nuk dilte negative. Basha si individ kishte një pëlqyeshmëri por jo negativitet të skajshëm si Ilir Meta dhe Monika Kryemadhi.
Edi Rama kishte nga një anë një kovë me, s’po ia them emrin, ndërsa kishte edhe këtë djalin e mirë. U përpoq dhe i bëri bashkë. Vota për Lulin tha, është votë për këtë kovën me mut. Një pjesë e shqiptarët thanë “unë do ia jepja votën Lulit po mos të jetë me Monikën”, tha Frangaj në Opinion.