Shtyhet mbledhja për Reformën Zgjedhore e cila ishte planifikuar të mbahej sot në orën 17:00.
Siç është vendosur më herët nga Këshilli Politik sot është afati i fundit për të mbyllur marrëveshjen pë “Zgjedhore” dhe presioni ka qenë i lartë ditët e fundit nga ndërkombëtarët.
Ndonëse na ndajnë pak orë nga afati situata nuk duket të jetë e qetë dhe palët që duket se janë larg akordit të paktën në 2 pika, atë të identifikimit biometrik dhe reformimit të administratës zgjedhore.
Partia Demokratike kërkon identifikimin biometrik, që sipas saj është e vetmja garanci që kutitë e votimit nuk do të mbushen me vota jo reale, por Ps nga ana e saj thotë që teknologjia të mos përdoret në të gjitha qendrat e votimit, pasi nuk ka garanci nga teknologjia.
Depolitizimi i administratës zgjedhore është një tjetër pikë ku palët mbajën qëndrime shumë të ndryshme nga njëra tjetra. Mazhoranca kërkon depolitizimin e plotë, ndërsa PD ka kërkuar që komisionerët të ndahen 3 me 3, ndërsa 1 të jetë i pavarur.