Kjo e hënë shënon edhe ditën e katërt të armëpushimit mes Izraelit dhe Hamasit. Një ditë më parë (26 nëntor) u liruan 17 pengje, mes tyre 3 tajlandezë, ndërsa në këmbim Izraeli liroi 39 të burgosur palestinezë.
Izraeli ka marrë një listë me 11 pengje që do të lirohen nga Hamasi sot (27 nëntor), në ditën e fundit të armëpushimit në konflikt. Hamasi thotë se po kërkon të zgjasë pauzën aktuale katër-ditore në luftimet me Izraelin dhe të rrisë numrin e pengjeve të liruar.
Kryeministri izraelit, Netanyahu duke folur me Biden, tha se ekziston një plan marrëveshjeje që parashikon lirimin e 10 pengjeve për çdo ditë shtesë armëpushimi”. Ai thotë se operacionet izraelite në Gaza do të rifillojnë pas periudhës së armëpushimit.