Shqipëria pritet të mbyllë sot tre kapitujt e parë të negociatave të anëtarësimit në Bashkimin Evropian, gjatë Konferencës së nëntë Ndërqeveritare Shqipëri-BE që do të zhvillohet në Bruksel.
Delegacioni shqiptar, i kryesuar nga kryeministri Edi Rama, do të formalizojë mbylljen e Kapitullit 25 “Shkenca dhe Kërkimi”, Kapitullit 26 “Arsimi dhe Kultura” dhe Kapitullit 30 “Marrëdhëniet e Jashtme”, fusha në të cilat Shqipëria konsiderohet e harmonizuar me standardet e Bashkimit Evropian.
Konferenca do të nisë në orën 19:00, ndërsa një orë më vonë do të mbahet një konferencë për shtyp, ku pritet të prezantohet ecuria më e fundit e procesit të integrimit evropian.
Mbyllja e këtyre kapitujve vjen pas përmbushjes së kritereve të ndërmjetme (IBAR), një etapë kyçe në negociatat e anëtarësimit me Bashkimin Evropian.
Pas këtij zhvillimi, Shqipëria do të duhet të plotësojë kushtet për mbylljen e 30 kapitujve të tjerë negociues, me synimin që procesi teknik të përfundojë brenda vitit 2027.
Vendimi për anëtarësimin e plotë të Shqipërisë në Bashkimin Evropian do të jetë politik dhe do të kërkojë miratimin unanim të të 27 vendeve anëtare të blloku