Ekspertja e Institutit të Shëndetit Publik, Eugena Tomini, është shprehur se është një arritje e madhe që dhe Shqipëria u bë pjesë e fushatave të vaksinimit.
Në një lidhje direkte për ‘ReportTv’, Tomini u shpreh se çdo vaksinë ka efektet e saj anësore, kësisoj dhe kjo kundër COVID mund të shfaqë skuqje në vendin e vaksinimit, lodhje por janë shenja afatshkurtra. Ndërkaq ajo shton se për disa persona ajo mund të mos ketë asnjë lloj shenje.
Vaksina sipas Tominit duhet të aplikohet te persona që janë në gjendje të mirë shëndetësore dhe që e kanë kaluar COVID, pasi vetëm ashtu do ketë efekt.Një person duhet të ketë 3 muaj ose më shumë që e ka kaluar COVID për të bërë vaksinën. Kësisoj vaksina nuk bëhet te personat që janë me COVID dhe janë të shtruar në spital, sepse nuk sjell rezultat.
“Për të thënë të vërtetën është një proces që aplikohet në gjendje të shëndetshme. Kur aplikon çdolloj vaksine duhet të jeni në kushte të shëndetshme. Të mos keni ethe apo gjendje virale. Dhe rekomandohet që aplikimi i vaksinës, të bëhet pasi të kaloni COVID. 3 muaj pasi keni kaluar COVID, ta aplikoni vaksinën. Siç aplikojmë vaksinat e tjera është e rëndësishme të aplikohet dhe të bëhet edhe vaksina”, shtoi ajo.