Këtë mbrëmje do të zhvillohet dhe protesta e nëntë kombëtare e opozitës, për mbarëvajtjen e të cilës janë angazhuar 1700 forca policie pranë kryeministrisë dhe Parlamentit.
Nuk dihet ende itinerari që do të ndjekin organizatorët e protestës, por shpërndara e efektivëve është si ajo e protestave të mëparshme.
Përballë protestuesve me një kordon që do të jetë përgjatë perimetrit të kryeministrisë do të jenë punonjësit e rendit dhe ata “Shqiponja” ndërsa forcat e FNSH do të jenë në gatishmëri në pjesën e pasme.
Një pjesë tjetër do të jetë e pozicionuar pranë parlamentit. Në gatishmëri pranë godinës së kryeministrisë do të jenë edhe Garda e Republikës. Në rast se nga ana e protestuesve do të ketë tentativa për të hyrë në institucione apo të kërcënojnë shëndetin dhe jetën e punonjësve të policisë do të përdorë gaz lotsjellës.
Në gatishmëri pranë ambienteve ku donte zhvillohet protesta marshim do të jenë dhe zjarrfikëset dhe ambulancat. Kufizime për qarkullimin rrugor do të ketë në bulevardin “Dëshmorët e Kombit”, në Rrugën “Xhorxh Bush” dhe pjesërisht Zhan D’Ark. Autobusët si herën e parë s’do lejohen në qytet. Të Veriut do të grumbullohen tek pallati i sportit “Asllan Rusi”, ndërsa te Jugut tek Fakulteti i Ekonomikut.
Opozita ka kërkuar leje në Policinë e Tiranës për një protestë marshim nga ora 20.00 deri në mesnatë, ndërsa policia i ka kthyer shkresë duke i dhënë leje për protestë deri në 22:00.