është një ditë e rëndësishme për PD-në, pasi do të jepet vendimi final për masën e sigurisë që do të marrë lideri historik, Sali Berisha tashmë pa imunitet, vendimi për vulën e PD-së dhe protestë nga grupi Berisha-Bardhi. Sali Berisha do të vijojë të jetë në pritje për të paktën 24 orë të tjera për të mësuar fatin e tij, pasi sot GJKKO nuk pati një vendim. Pas rreth 1 ore seancë, GJKKO vendosi që të shtyjë për ditën e nesërme në orën 11:00 vendimin për ish-kryeministrin.
Gjyqi për vulën e PD-së
Lexo edhe :
Related Posts
Po ashtu nesër do të jetë gjyqi për vulën e PD-së. Gjykata e Lartë pritet të shprehet për rekursin që grupimi i Berishës ka depozituar për vendimin e 3 marsit 2023, ku Apeli i Përgjithshëm ktheu në shkallë te parë çështjen e logos dhe vulës.
Në mars të këtij viti Gjykata e Apelit vendosin rrëzimin e vendimit të gjyqtarit Agron Zhukri dhe kthimin e çështjes për shqyrtim në shkallë të parë me trupë tjetër gjykuese. Kujtojmë se gjyqtari Agron Zhukri njohu Kuvendin e Berishës të 11 dhjetorit 2021 si legjitim, ndërsa Enkelejd Alibeaj, në atë kohë kryetar i komanduar i PD-së, ankimoi vendimin.
Gjykata e Tiranës rreth një muaj më parë vendosi pezullimin e çështjes për shqyrtimin e kërkesës së Bashës për miratimin e Kuvendit Kombëtar të 2 shtatorit, duke pranuar kërkesën e grupit të deputetëve të drejtuar nga Gazment Bardhi.
Shkëlzen Berisha
Po ashtu, në orën 09:00 do të jetë seanca gjyqësore për ish ministrin e Mbrojtjes Fatmir Mediu i marrë i pandehur për masakrën e Gërdecit. GJKKO ka thirrur të dëshmojë Shkëlzen Berisha lidhur me faksin që Aldo Bumçi i ka dërguar atëherë Mediut me shënimin “për Shkëlzen Berishën”. Dosja po gjykohet nga Irena Gjoka. Shkëlzen Berisha refuzoi të paraqitet në gjykatë seancën e 14 dhjetorit. Të dyja çështjet janë në dorë të gjyqtares Irena Gjoka.
Protestë
“Më 27 dhjetor çdo demokrat e demokrat para Gjykatës së Lartë, ku Rama ka porositur ekzekutimin e identitetit tonë. Ne do të qëndrojmë. E enjtja që vjen të gjithë para Parlamentit monist. Në pesë javë e shndërruar Parlamentin në një ndërtesë dhe jo më shumë. E patë që 43 deputetë, Parlamentin e krimit e futën në ilegalitet. Ju ftojë në protestë çdo të enjte, për Parlamentin, për demokracinë”, tha Berisha.