Ambasadorja e SHBA-së në Tiranë, Yuri Kim ka vizituar Kryeministrinë gjatë kohës që në Këshillin e Lartë të Prokurorisë po prezantohen kandidaturat për drejtuesin e ri të SPAK-ut. Nuk dihet ende se me kë është takuar diplomatja amerikane.
Kreu i ri i Strukturës së Posaçme kundër Korrupsionit dhe Krimit të Organizuar do të zgjidhet mes tre prokurorëve: Adnan Xholi, Altin Dumani dhe Edvin Kondili.
Altin Dumani dhe Edvin Kondili hyjnë në këtë garë për herë të dytë, pasi tre vite më parë ishin konkurrentët kryesorë të Arben Krajës, por që nuk ia dolën.