Kreshnik Spahiu, duke folur për luftën mes Izraelit dhe Palestinës, ai komentoi dhe reagimet e disa shqiptarëve që mbështesin Hamas-in, organizatë e konsideruar nga SHBA si terroriste.
Në një intervistë për Euronews Albania, ai theksoi se Palestina nuk e njeh Kosovën, ndërsa shtoi se qëndrimi i Shqipërisë në këtë luftë është i parëndësishëm.
“Duhet të kemi diçka shumë të qartë, palestinezët nuk e njohin Pavarësinë e Kosovës, shtetin e Kosovës. Mbështetësit e Hamasit nuk kanë asnjë lloj konsiderate për mbështetjen e shtetit të Kosovës. Të gjithë grupimet palestineze shprehen se Kosova është pjellë e SHBA. Qëndrimi i Shqipërisë është i parëndësishëm në këtë proces, e dyta Shqipëria ka shanset zero të pozicionohet pro Hamas. Hamas nga vendet e NATO-së dhe nga SHBA konsiderohet organizatë terroriste. Të jesh kundër Hamas nuk do të thotë se je kundër Palestinës. Nuk e kuptoj pse ka disa shqiptarë pse ka disa shqiptarë që e mbështesin Hamasin. Shikoj shqiptarë që hedhin statuse më shumë për Hamasin se për UÇK”, -tha ai.