Këtë të enjte, SPAK ka bërë me dije se kërkon 10 vite për burg për Lefter Kokën lidhur me akuzat për inceneratorin e Elbasanit.
Për mediat, avokati Saimir Vishaj e ka cilësuar këtë si një veprim skandaloz dhe aspak ligjor. Ai tha se ky është katërfishim i dënimit me rastet e tjera të ngjashme të shpërdorimit të detyrës, dhe se bëhet për çështje politike.
“Institucionet që kanë qenë pjesë e komisionit dhe kanë përpiluar draftin, për mua është skandaloze, standard i dyfishtë. Për shpërdorim detyre në raste të tjera nuk e kanë kërkuar një vit. Kjo bëhet për çështje politike dh aspak ligjore ndaj ka katërfishuar masat e dënimit. Shpresoj që gjykata e shkallës së parë të mos bjerë në këtë nivel, nuk mund të presësh me thikë masat si për atë që është fajtor dhe atë që ka rol dytësor”, u shpreh ai.