Në një kohë që SPAK-u kërkon rikthimin në burg, ish-deputeti i PS-së, Alqi Bllako paraqitet në Gjykatën e Posaçme të Apelit. Ai është në masën e sigurisë “arrest shtëpie”.
SPAK-u tha se nuk ekzistojnë kushtet për ta liruar dhe se do të bëhet ankim në Gjykatën e Posaçme të Apelit. Alqi Bllako dhe ish-ministri i Mjedisit Lefter Koka dyshohet se kanë falsifikuar dokumentin për llojin e tokës ku do të ndërtohej inceneratori i Fierit.
SPAK-u ka provuar se ajo është ndërtuar në tokë arë, vlera e së cilës është më e lirë. Ky falsifikim i ka sjellë buxhetit të shtetit një dëm prej rreth 140 mijë eurosh.