Presidenti Ilir Meta është marrë zyrtarisht nën hetim nga SPAK-u, këtë herë për pastrim parash me kontrata lobimi, fshehje të shpenzimeve financiare të partisë, mashtrim në KQZ etj.
Në konferencën e sotme për shtyp me gazetarët, i pyetur në lidhje me këtë, Meta tha se artikulli ne median austriake as nuk ka ekzistuar dhe as nuk ekziston. Po ashtu kreu i shtetit ka paralajmëruar edhe se duke nisur nga 25 korriku ky sistem do të shkundet nga themeli.
“Këto lajme absurde si vetë personazhet që i njihni të gjithë, nuk krijojnë asnjë shpërqëndrim jo vetëm nga detyrat e presidentit deri më 24 korrik, por edhe nga angazhimet e Ilir Metës duke nisur nga 25 korriku. Përgjigjen do ta marrë gazeta atje, do të jeni të ftuar të gjithë nga seancat që do të zhvillohen atje. Kjo është histori që as nuk ka ekzistuar dhe as nuk ekziston. Ky është një sistem që do të shkundet nga themeli duke nisur nga 25 korriku”.