Spanja prej ditësh po përballet me temperaturat ekstreme që kanë shkaktuar dhe zjarre masive që kanë përfshirë gjithë vendin.
BBC ka publikuar pamjet ku shihet një person i cili është duke vrapuar për t’i shpëtuar flakëve. Pamjet janë regjistruar në zonën e Tabara-s, në veriperëndim të Spanjës. Shtetasi Martin Arjona, kishte gërmuar tokën për të formuar një transhe, në mënyrë që të ndalonte zjarrin.
Pasi përfundoi gërmimin, ai vrapoi për t’i shpëtuar flakët. Ai u dërgua në spital me djegie të rënda në trup, teksa nuk dihet ende gjendja e tij shëndetësore.