Pas verifikimit të bërë në Kishën e Shën Llezhdrit në Spitan të Llezhës, specialistët e trashëgimisë arritën të vlerësojnë gëzhojat dhe eshtrat e gjetura pak ditë më parë. Drejtoria Rajonale e Trashëgimisë Kulturore Shkodër tha për “Report Tv” se mbetjet nuk janw njerwzore, ndërsa gëzhojat janë të një kalibri të panjohur.
“Gjetjet rastësore gjatë punimeve të pastrimit janë thjesht dy fragmente të një gjedhi të një bagëtie të trashë edhe tre gëzhoja fishekësh së Luftës së Parë botërore. Nuk ka gjetje të tjera”, konfirmon Ded Margjoni specialist i DRKK për Lezhën.
Në reagim saktësohet se asnjë nga gjetje nuk përbën elementë të trashëgimisë kulturore, që do të kërkonin trajtim të veçantë. Më tej, konstatojnë se punimet që po bëhen nuk kanë prekur shtresa kulturore.
“Punimet për mendimin tim janë të lavdërueshme sepse fshatarët po sistemojnë muret tarracuese në të thatë pa e lidhur me llaç. Nuk po gërmohen shtresa kultura, nuk po bëhen punime që të ndërhyhet në restaurimin e Qelës”, u shpreh ai.
Aktualisht punimet janë ndaluar nga Drejtoria Rajonale e Kulturës Kombëtare, deri në përfundim të plotë të verifikimeve.