Certifikimi i Aerodromit Fushor të Gjirokastrës i ka hapur rrugë një lloji të ri turizmi, atë të fluturimeve dhe hedhjes me parashutë.
Është kryeministri Edi Rama, i cili ditën e sotme, ka zgjedhur të shpërndajë disa pamje mbi qiellin e Gjirokastrës. Në këtë mënyrë sipas tij, qyteti i gurtë merr edhe më shumë vlera turistike.
“Dhe me këtë spektakël nga qielli mbi Aerodromin Fushor të Gjirokastrës, që tashmë me certifikimin e tij i hap rrugë një lloji të ri turizmi, atë të fluturimeve dhe hedhjes me parashutë, duke i dhënë Gjirokastrës historike edhe më shumë vlerë turistike, ju uroj një fundjavë të bukur”, shkruan Rama.