Ministrja për Marrëdhëniet me Parlamentin, Elisa Spiropali i është përgjigjur ish-kryeministrit Sali Berisha, pas akuzave të këtij të fundit se bashkëshorti dhe vëllai i saj janë të përfshirë në korrupsion.
Spiropali theksoi se ajo i njeh familjarët dhe të afërmit e saj, ndryshe nga Sali Berisha që nuk njeh baxhanakët e vet.
“Djali I tij (I Berishës) financon portale që nxjerrin këto lajme (akuzat për vjedhjet në Dogana). Vjen e lexon këtu si fakt. Unë e njoh kush është vëllai im, sa e ka rrogën, ku punon, ku jeton. E njoh bashkëshortin tim, si jeton, ku punon. Njoh kunatën time. Nuk jam nga ata që nuk njohin baxhanakët. Unë mbaj përgjegjësi për të gjithë ata. Një cent të qytetarëve nuk e kanë përfituar njerëzit e mi. çmund të thuash për të tutë Sali? Jam kaq serbes. Nuk kam për tu intimiduar. I bëj thirrje insituticioneve të shohin me rradhë familjarët e tu dhe ty sepse historia të del ndryshe”, tha Spiropali.