Ministrja Elisa Spiropali, teksa rrëfente detaje nga udhëtimi drejt Ukrainës, nuk hezitoi t’iu kthejë përgjigje komenteve për ndërrimin e veshjeve të saj gjatë vizitës zyrtare në Kiev.
E ftuar në emisionin “Kjo Javë”, Spiropali u shpreh se udhëtimi me tren ka zgjatur 24 orë dhe se ndryshimi i kostumeve ishte një akt higjenik, ndërsa i quajti të ligë të gjithë ata që përgojuan paraqitjen e saj.
“Unë e fal padijen, por jo ligësinë. Dhe keqardhje e madhe për mënyrën sipërfaqësore sesi disa njerëz, disa portale, e pasqyrojnë përfaqësimin e Shqipërisë aty, sidomos për një anëtare te delegacionit, grua. Ne ishim 24 orë në tren, dhe mbi të gjitha ishte një akt higjenik për të gjithë anëtarët e delegacionit, por sigurisht ne gratë merremi më shumë. U munduam aty të tregonim dinjitetin e Shqipërisë, atë që ka bërë dhe do të bëjë, dhe atë që meriton Ukraina. Nuk kam asnjë koment tjetër se të them të drejtën ligësia më duket qesharake.”