Kryeparlamentarja dhe drejtuesja politike e PS-së për qarkun Tiranë, këtë të enjte është ndalur në Kamëz. Në këtë qytet, bashkë me kandidatët e PS-së kanë vizituar kompaninë ”HodoAlb”, që sapo kanë inaguruar fabrikën e re dhe sallën e dytë moderne të ekspozimit.
”Vizitë në fabrikën e re dhe në sallën e dytë moderne të ekspozimit, të sapoinauguruar, të HodoAlb, një kompani me mbi 20 vite përvojë në tregun e mobilierisë, e njohur për cilësinë, besueshmërinë dhe bashkëpunimet me markat më të mëdha ndërkombëtare.
Me administratorin Riza Hodo dhe drejtorin Levent Palushaj biseduam për sfidat e sektorit, zhvillimet teknologjike dhe kontributin e tyre në tregun vendas dhe të huaj. Sipas tyre, partneritetet afatgjata dhe lidhjet me komunitetin mbeten thelbi i suksesit të qëndrueshëm”,-shkruan Spiropali.