“Spiuni i karantinës” ishte kënga më e fundit e G Banit që është frymëzuar nga një ngjarje e vërtetë.
Këngëtari ka rrëfyer ngjarjen se si u spiunua nga fqinjët pasi me shokun e tij vendosën muzikë për të kënaqur banorët. Por jo të gjithë mesa duket e kanë pëlqyer muzikën e tyre duke e denoncuar.
G Bani thotë se përfundoi në rajon, ku qëndroi për 3 orë.“Kënga ‘Spiunët e karantinës’, unë jam shumë pro rregullave sidomos kur mbrojnë jetën e qytetarëve dhe njerëzve. Nuk do doja të isha ndikim i keq. Kam patur një eksperiencë personale. Ishim bashke me një shokun tim i cili ka një lokal dhe vumë muzikë. Shoku im kishte parë që në vende të ndryshme të botës në Itali ishte dikush që këndon për njerëzit.
Ky nuk e mori boksin tek shtëpia por tek lokali i tij, që e ka mbyllur që kur filloi karantina dhe vuri muzikë popullore të jugut dhe e gjithë lagjja po e shijonte. Po ia kalonin shumë bukur.
Në ato momente erdhi ndërhyrja e shpejt, ‘shigjetat’, shqiponajt, ushtria, policia ushtarake dhe u mblodhën. Spiunlliku në Shqipëri është aq i rëndomtë saqë njerëzit të duan e të bëjnë idhul, ose të urrejnë. Janë nga ekstremi në ekstrem.
Na shoqëruan në rajon ku qëndruam për 3 orë. Kur të ikësh më thanë policët mos thuaj që ia kalove mirë sepse punonjësit e policisë ishin shumë të sjellshëm,”- tha ai i ftuar ne emisionin “Glamour” ne RTV Ora.