30-vjeçari shqiptar Esmin Ferhati u arrestua në Greqi, teksa sulmoi me kaçavidë një oficere greke dhe u plagos me armën e shërbimit nga kjo e fundit në tentativën për t’u vetëmbrojtur.
Hetuesit e çështjes po ndjekin me interes të madh rastin e përfshirjes së një oficere policie vetëm 22-vjeçe, e cila shërben në një departament lokal dhe që dyshohet se ka pasur një rol specifik në organizatën kriminale me mbi 10 anëtarë të krijuar nga “Esko”.
Sipas nënës se 22-vjeçares, Ferhati dhe e bija e saj nuk kanë asnjë lidhje me botën e krimit. Teksa mbron me “mish e me dhëmbë” pafajësinë e të bijës, ajo del në mbrojtje të shqiptarit. Ajo tha se “Esko” është djalë shumë i mirë dhe i ndershëm, ndërsa bëri me dije se dy të rinjtë janë të dashuruar me njëri-tjetrin.
“Ai është djalë i mirë, ai e do vërtete vajzën time. Lidhja e tyre ka nisur përpara se vajza ime të angazhohej në polici. Ata kanë një marrëdhënie me ndjenja të pastra”, ka thënë nëna e polices në provë, e cila dyshohet se spiunonte për llogari të bandës shqiptare, pasi në mediat helene shkruhet se policja ka dekonspiruar një nga operacionet e mëparshme pasi kishte informuar bandën për lëvizjet e policisë.