Legjenda e NBA dhe ish-superylli i Los Angeles Lakers, Kobe Bryant raportohet të ketë mbetur i vdekur nga një aksident me helicopter, ndodhur mëngjesin e të dielës. Lajmin e tmerrshëm e ka bërë me dije media “TMZ”, e famshme për publikimin e informacioneve të bujshme.
TMZ raporton se 41-vjeçari po udhëtonte bashkë me tre persona të tjerë me helikopterin e tij privat kur ra dhe shpërtheu në flakë. Përplasja ka ndodhur në Calabasas, California. Sipas “TMZ”, bashkëshortja e Kobe Bryant nuk ka qenë mes viktimave. Askush nga ata që udhëtonte në helikopter nuk ka mundur dot të mbijetojë. Bryant ka lënë pas bashkëshorten e tij Vanesa dhe katër vajzat e tyre, Gianna, Natalia, Bianca dhe të porsalindurën, Capri.