Ed Sheeran ka arritur të renditet si një ndër këngëtarët më të pasur për 2019, duke rrëzuar Adele nga froni. Sipas listës së “Sunday Times Music Rich List” pasuria e artistit të njohur është dyfishuar gjatë 12 muajve. Ed Sheeran ka arritur shifrën 160 milionë paund dhe e gjitha falë turneut të tij “Divide” në mbarë botën. Nga ky turne këngëtari ka futur në bankë 340 milionë paund dhe për vetëm 1 vit ka fituar më shumë se çdo artist tjetër në histori.
Megjithatë Ed Sheeran ka ende shumë rrugë për të bërë për të thyer rekordin e “Rich List”. Rekordin e mban Sir Paul McCartney si performuesi më i pasur. Vitin e kaluar Adele arriti 10 milionë paund, pavarësisht se nuk publikoi asnjë këngë të re. Sipas parashikimeve nëse Ed Sheeran vazhdon në këto ritme mund të shndërrohet në muzikatin britanik më të pasur i të gjitha kohërave, madje një këngëtar miliarder. Kjo është me të vërtetë një histori suksesi, duke ditur se në fillimet e tij Ed Sheeran këndonte në rrugë dhe paragjykohej shumë për pamjen e jashtme. /revistawho.com