Është publikuar një trailer i ri i sezonit të shumëpritur të serialit “Squid Game”, i cili pritet me padurim nga fansat dhe do të publikohet më 26 dhjetor në Netflix.
Ai ka tërhequr shumë vëmendje dhe tregon disa nga sfidat e reja dhe personazhet që do të rikthehen. Atmosfera e tensionuar dhe lojërat e reja duket se do të jenë gjithashtu pjesë e rëndësishme e sezonit të ri.
Sipas informacioneve, Seong Gi-hun do t’i rikthehet garës për t’u bërë lider dhe për t’i këshilluar lojtarët e rinj të heqin dorë nga gara. Po ashtu, detektivi Hwang Jun-ho duket se nuk ka vdekur dhe do të rikthehet në sezonin e ri për të bastisur lojën.
Netflix është paditur nga aktori dhe producenti Sohum Shah, i cili pretendon se platforma e madhe i ka vjedhur idenë dhe skenarin nga filmi i tij të vitit 2009, “Luck”. Seriali korean që theu rekorde shikueshmërie, “Squid Game”, u shfaq për herë të parë në vitin 2021, ndërsa sezoni i dytë është planifikuar të publikohet më 26 dhjetor të këtij viti.