Stadiumi ‘Air Albania” është shndërruar në qendrën e parë të vaksinimit në vendin tonë. Në një video të publikuar nga vetë kryeministri Edi Rama shihet se si nga një stadium që pret tifozë, tashmë “Air Albania” ka marrë pamjen e një klinike gjigante shëndetësore.
Mbi tribunat janë sistemuar tavolina, me tabelat “Shqipëria buzëqesh”, ku qytetarët do të vihen në radhë për të bërë injeksionin. Më pas, në mënyrë që të bëhet dallimi mes tyre, të vaksinuarit do të ulen në karriget që shkruhet me ngjyrë jeshile: “Pas vaksinimit”.
“Në instalim e sipër Qendra e Parë e Vaksinimit anti-Covid19 në Air Albania Stadium. Së shpejti nisim vaksinimin e bluzave të bardha, që synojmë ta fillojmë më parë se sa afati kontraktual me Pfizer për javën e tretë të janarit, përmes punës intensive diplomatike në shumë drejtime,”- shkruan Rama krah videos.