Kryeministri i Mbretërisë së Bashkuar Keir Starmer i ka pritur në mënyrë pozitive bisedimet që vijnë nga Arabia Saudite lidhur me takimin SHBA-Ukrainë.
“Ky është një moment i rëndësishëm për paqen në Ukrainë dhe ne të gjithë tani duhet të dyfishojmë përpjekjet tona për të arritur një paqe të qëndrueshme dhe të sigurt sa më shpejt të jetë e mundur,” tha Starmer në një deklaratë.
Ai shton: “Rusia tani duhet të pajtohet me një armëpushim dhe një fund të luftimeve gjithashtu. Ne jemi të gatshëm të ndihmojmë për t’i dhënë fund kësaj lufte në një mënyrë të drejtë dhe të përhershme që lejon Ukrainën të gëzojë lirinë e saj,” thotë Starmer , duke njoftuar se ai do të mbledhë liderët këtë fundjavë për të diskutuar hapat e ardhshëm.