Pas Tiranës mbledhjet e asambleve socialiste kanë vijuar në bashkitë e tjera të vendit. Mësohet se ato janë mbajtur sot edhe në Berat, Shijak e Vorë, dhe pritet që brenda datës 15 janar të zhvillohen në të gjithë vendin. Kryefjala e tyre do të jetë përcimi i vendimeve të Asamblesë Kombëtare dhe organizimi i strukturave për zgjedhjet lokale që mbahen me 30 qershor të këtij viti.
Socialistët po rishikojnë funksionimin e koordinatorëve elektoral, digjital e emigracionit nga asambletë socialiste në bashki deri në nivel organizate. Po ashtu vijon procesi i antarësimeve të reja, duke mbajtur parasyshë shtimin e radhëve me specialistë me arsim të lartë, të rinj dhe gra.
Drejtuesit politik në cdo qark vijojnë kontaktet me kryetarët e PS-së të bashkive për mirëorganizimin e mbledhjeve të asambleve si dhe zbatimin me korrektësi të vendimeve të AK-së.