Pas përfundimit të mbledhjes së grupit parlamentar, ku është diskutuar në lidhje me zgjedhjet e 14 majit, Enkelejd Alibeaj u shpreh se ka aq pjekuri sa të mos marrë vendime individuale.
Ai njoftoi se nesër do të formalizohet vendimi në lidhje me mënyrën si do të garohet në “lokale”.
“Çështja e zgjedhjeve ka rëndësi për të gjithë, për këtë arsye, edhe diskutimi do të bëhet me të gjitha forumet, për t’i pasur të gjitha qëndrimet. Nesër do mblidhen forumet e bazës, do sjellin dhe ata atë që është nevoja. Deri sa të zyrtarizohen, mjaftohuni me njoftimet që keni marrë sot, zyrtarisht do ta mësoni nesër. Nesër do i merrni vesh të gjitha. Vendimi final do përbëhet nga kryesia, grupi dhe kolegji, nesër do jetë i plotë”, tha ai.
Alibeaj bëri me dije se PD do të vijojë mbledhjet me strukturat e saj deri në marrjen e një vendimi përfundimtar zyrtarë për alternativat e daljes në zgjedhjet lokale të 14 majit.