Studentët e revoltuar të Beogradit do të vijojnë protestat e tyre lidhur me ngjarjen e Novi Sad të ndodhur më 1 nëntor të vitit që lamë pas. Studentët e nisur nga qytete të ndryshme të Serbisë kanë arritur natën e kaluar në qendër të Kragujevcit, ku janë pritur nga një numër i madh i qytetarëve.
Studentët e grupuar kanë mbajtur parulla me moton ‘Takohemi në Sretenjë’ dhe do të vijojnë 15 orë bllokadën në simbolikë me 15 viktimat pas shembjes së çatisë në stacionin e trenit në Novi Sad.
Rregullat e protestës, të cilat studentët deklaruan në Instagram, janë që askush të mos shkaktojë incidente, ndalohet përdorimi i mjeteve piroteknike dhe ndezja e zjarreve, dhe do të lejohen për qarkullim vetëm shërbimet emergjente.
Studentët shprehen sedo të denoncojnë çdo shkelje të rregullave të protestës, çdo formë sjelljeje të papërshtatshme, persona me armëmbajtje, persona të dyshimtë dhe provokatorë të mundshëm.
Gjatë protestës do të jetë edhe një ekran i madh, ku pjesëmarrësit do të lënë përshtypjet dhe përvojat e tyre nga protestat e mëparshme.