Këtë të hënë ka nisur dhe viti i ri akademik 2019-2020 dhe studentët i janë drejtuar auditoreve.
Sipas urdhrit të ministrisë së Arsimit, studentët e të gjithë vendit të nivelit Bachelor do të nisin sot shkollën ndërkohë që periudha e pushimeve është përcaktuar nga 23 dhjetori 2019 deri në 3 janar 2020.
Ndërkohë që sipas të njëjtit urdhër viti akademik përfundon më 30 shtator 2020.
Ndërkaq, kryeministri Edi Rama ishte i pranishëm sot në fakultetin e mjekësisë për të uruar studentëve një vit të mbarë shkollor.
Ai bëri të ditur se së shpejti do të çelet dhe spitali i ri i Kirurgjisë, ndërsa po bëhet gjithçka për transformimin e Qendrës Spitalore Universitare “Nënë Tereza” .
“Tanimë kemi hapur një rrugë të re për të gjithë ata që janë më të mirët dhe synojnë të kontribuojnë qoftë në institucionet e gjithë kësaj sfere të rëndëisshme të jetës që është shëndetësia, qoftë dhe në praktikën spitalore. Sot ne kemi një numër të konsiderueshëm studentësh ekselentë që tani janë përfshirë në punë falë rezultateve të tyre”, tha ai.