Fjalët kanë fuqi të pabesueshme. “Dikush mundet, me 10 fjalë të folura në 10 sekonda, të shkatërrojë një marrëdhënie që ka zgjatur për 10 vjet”, thotë William Irvine, Ph.D., profesor i filozofisë.
Irvine, në librin e tij, shqyrton se si fjalët mund të na lëndojnë.
Irvine zbuloi se fyerjet kanë ekzistuar gjatë gjithë historisë njerëzore, megjithëse disa e konsiderojnë periudhën elizabetiane “epokën e artë të fyerjeve”. Në atë kohë, ishte e zakonshme të jepeshin fyerje të gjata verbale. Sot, thotë ai, njerëzit janë më pak të artikuluar, më pak të gjallë dhe më të prirur për t’u mbështetur në përdorimin e gjuhës ose gjesteve vulgare.
Studiuesit zbuluan se sido të jetë konteksti, personi që fyen apo fyerja, njerëzit e fyer kishin një ndjesi njësoj sikur dikush t’u ketë gjuajtur me shuplakë në fytyrë.
Gjithashtu, rezultatet treguan një ndjeshmëri të shtuar të trurit tonë ndaj fjalëve negative në krahasim me fjalët pozitive. Një fyerje tërheq menjëherë vëmendjen e trurit tonë, pasi kuptimi emocional i fyerjeve merret nga kujtesa afatgjatë. Ndërkohë që komplimentet kishin një efekt më të vogël.