Interi ka kohë që po kërkon Romelu Lukakun megjithatë duket se kjo telenovelë nuk ka në plan të përfundojë. Në lidhje me këtë situatë dhe për drejtuesit e Interit, ka reaguar legjenda e klubit zikaltër, Luis Suarez i cili u shpreh se në shoqërinë e klubit të Interit, nuk dihet kush është presidenti, duke vënë në dyshim edhe Suning.
“Ikardi? Është e vështirë të gjykohet pasi nuk e dimë çfarë ka ndodhur. Klubi i hoqi shiritin por nuk e dimë pse, megjithatë mund edhe të rregullohet. Nëse largohet, duhet të mendojnë për një sulmues, sepse Lukaku mund të vinte te Interi që kur ishte 17 vjeç.
Është një futbollist i mirë por kushton shumë dhe nuk e dimë si do të reagojë. Kur është e nevojshme, do të paguash edhe më shumë por te Interi janë të çuditshëm. Thonë pa problem se paratë janë aty, por kur vjen puna për të investuar, nuk lëviz askush. Nuk e di se kush është presidenti aty por nuk kam aspak besim te Suning”, u shpreh Suarez.