Ardian Çapja, ‘koka’ e të cilit u ka shpëtuar tri herë plumbave e që sot u vu në pranga, është një emër mjaft i njohur në botën e krimit. Çapja është shoqëruar shumë herë në polici, ndërsa në vitin 2017, u ka shpëtuar dy atentateve me armë dhe eksploziv. Ai është pronari i hotel ‘Unives’ në hyrje të qytetit të Elbasanit dhe vëllai i Sokol Çapjes, që u ekzekutua në vitin 2005. Prej vitesh familja Çapja ka qënë e akuzuar si e përfshirë në botën e krimit duke humbur nga atentate dhe ekzekutime të ngjashme edhe shumë familjarë.
Gjithçka ka nisur si pasojë e përplasjes mes Dritan Shemes dhe Sokol Çapjas për vrasjen e Rezart Çelës me qëllim kapjen e biznesit të lojërave të fatit në dekadën e fundit në Elbasan. Këto hasmëri kanë sjellë edhe shumë viktima nga të dyja palët.
Pas kësaj ngjarjeje mbeti i vrarë Sokol Çapja. Kjo pasoi me vrasjen e kunatit të Memës, Ardian Ibrahimi, në maj 2006. Në vitin 2012, Gentian Beqiri, një nga të akuzuarit për vrasjen e Sokol Çapjes, u ekzekutua, ndërsa ishte lënë në arrest shtëpie. Ndërsa në mars 2015, në Torino të Italisë, u ish-polici Fadil Mema. Më pas, në shkurt të vitit 2016, mbetën të vrarë Agron Çapja, nipi i tij Ardit Sinakoli dhe Eno Bedalli, ndërsa mes tetë të plagosurve ishte dhe Florenc Çapja.
Ndërsa në qershor 2016, Ardian Çapja, Florenc Çapja dhe Bledar Muça u arrestuan për sulm ndaj disa efektivëve civilë të Policisë pasi dyshonin se do të kryenin atentat ndaj tyre. Por edhe pse gjithaçka ishte e dokumentuar me video, Gjykata e shpalli Ardianin të pafajshëm. Ajo ishte hera e parë, që ai u prezantua publikut.
Atentati i parë ndaj tij ndodhi në dhjetor të vitit 2017, kur Çapja i shpëtoi breshërisë së automatikut nga persona ende të paidentifikuar që e ruanin prej kohësh dhe tentuan ta eliminonin. Autorët dinin me saktësi orën kur 55-vjeçari hynte dhe dilte nga banesa e tij dhe e qëlluan kur doli tek dera. Çapja dëgjoi të shtënat dhe u rifut me shpejtësi në banesë duke mundur t’i shpëtojë atentatit.
Nuk kaloi shumë kohë dhe në 6 gusht të 2017-ës, në makinën e tij vendosën një bombë. Por Çapja ia doli që të shpëtonte edhe kësaj herë, pasi predha nuk shpërtheu. Ndërsa atentati i tretë ndaj Çapja ndodhi më mëngjesin e 8 qeshorit. Një ‘hitman’ piketoi kokën e Çapjas me snajepr por nuk ia doli sot…as këtë herë. Ajo që bënte akoma më shumë përshtypje në këtë rast është se vetë familja Çapja, nuk e pranononte se bëhej fjalë për një attentat, duke ‘kyçur’ gojën dhe duke mos dhënë asnjë lloj informacioni.
Në vitin 2020, Çapjas, i shkoi edhe formulari për vetëdeklarimin nga OFL-ja, ku shkruhej se Ardiani dyshohet si organizator i një sërë vrasjesh të ndodhura për motive hakmarrjeje.