Pas shumë qëndrimesh të forta dhe kundërshtuese, Turqia më në fund hoqi dorë nga vetoja që pengonte anëtarësimin e Suedisë dhe Finlandës në NATO, por kjo pasi firmosi një marrëveshje që e kërkonte prej kohësh. Presidenti turk Recep Tayyip Erdogan, dëshironte dhe arriti që dyshja nordike të ndryshojë qëndrimin ndaj grupeve kryengritëse kurde që Turqia i konsideron terroristë.
Kërkesat e Turqisë
Kërkesat kryesore të Turqisë, të cilat erdhën si befasi për aleatët e NATO-s në fund të majit, ishin që vendet nordike të ndalonin mbështetjen e grupeve militante kurdë të pranishme në territorin e tyre dhe të hiqnin ndalimet e tyre për disa shitje armësh në Turqi.
Stoltenberg tha se është rënë dakord që Suedia dhe Finlanda do të heqin kufizimet e tyre për shitjen e armëve në Turqi, teksa do të intesifikojnë punën për ekstradimin e tyre si edhe ndryshimin e ligjit për të ashpërsuar qasjen e tyre ndaj tyre. Një gjë e tillë është konfirmuar edhe nga presidenca turke ku tha se marrëveshja e arritur dje nënkupton, “Bashkëpunim të plotë me Turqinë në luftën kundër PKK-së dhe anëtarëve të saj”.
Turqia ka ngritur shqetësime serioze se Suedia ka strehuar, siç thotë ajo, militantë nga Partia e ndaluar e Punëtorëve të Kurdistanit (PKK), e cila mori armët kundër shtetit turk në 1984. Megjithatë Stokholmi zyrtar e mohon akuzën.