Ish-deputeti i PD-së, Dashnor Sula, thotë se në Shqipëri duhet krijuar UÇD (Ushtria Çlirimtare e Demokratëve) për çlirimin e demokratëve nga krerët e PD që po e mbajnë peng opozitën. Duke komentuar dorëheqjen e kreut të PDK-së në Kosovë, ish-deputeti e sheh si një vlerë qytetare, përkundër asaj që ndodh tek ne.
”Kreu i PDK Memli Krasniqi i opozitës dha dorëheqjen. Është vlerë. UÇK ka përballuar luftën me Serbinë dhe ato prapë kanë probleme dhe si vlerë qytetare jep dorëheqjen, kurse këtu tek ne humb, humb nuk jep dorëheqje. UÇK u kijua për të çliruar nga serbët, këtu duhet krijuar UÇD për çlirimin e demokratëve nga krerët e PD që po e mbajnë peng opozitën. Mazhoranca përdor gjithë mjetet për të qenë në pushtet, po ku je ti? Nëse i demoralizon e nuk ngjall shpresë, duhet të kesh kartën e moralitetit”.
Ai e shikon tragjike të ardhmen e PD-së, rënia e së cilës sipas tij ka nisur që në 2008-ën. ”E shoh tragjike të ardhmen e PD-së. kjo ka ndodhur në 21 prill 2008. Që nga atëherë ka filluar rënia e PD. Ne fitonim mandatet për shkak të figurave të forta politike që kishte e djathta. Çfarë figurash ke në PD që ngjallin shpresë? Kavaja është model për bashkitë e tjera. Pse në bashkitë e tjera jo se u zgjodh modeli i gabuar. Është vlerë dorëheqja e Leskajt”.
Sula pohon thekson se opozita nuk ka më njerëz që frymëzojnë dhe që përballen. Imazhi i opozitarit sipas tij duhet të jetë i kulluar dhe jo i luksit sikurse shfaqen shumica e tyre. ”Që të jesh opozitar dhe të kesh makina të fundit, opozitë luksi. Në opozitë ose do hash dhe që t’u tregosh qytetarëve, jo se është keq pasuria, se nuk ke as biznes dhe ka makinë 100 mijë euro. Me rrogë deputeti e zyrtari pa biznes pa aktivitet prodhues. Nëse ke imazh të rrënuar dhe je i korruptuar, ti nuk frymëzon, se je sfidanti, sfidanti duhet të jetë i kulluar, ar, diamant e kundërta e kundërshtarit politik”.