Një sulm me armë zjarri ka ndodhur në një kishë në Hamburg të Gjermanisë. BBC News raporton se disa persona kanë mbetur të vdekur dhe disa të tjerë janë plagosur si pasojë e sulmit. Përmes një njoftimi zyrtar, Policia njoftoi se po zhvillohet një operacion policor në një shkallë të gjerë në zonën veriore të qytetit Alsterdorf të Gjermanisë.
Mediat lokale raportojnë se ambulancat kanë mbërritur në vendin e ngjarjes, e po ashtu policia të cilët janë në kërkim të autorëve të sulmit. Sipas policisë së Hamburgut, sulmi me armë zjarri ndodhi në një kishë në rrugën Deelböge në lagjen Gros Borstel. Mediat lokale e identifikuan vendndodhjen si një qendër të Dëshmitarëve të Jehovait.
Përmes një deklaratë të publikuar në faqen zyrtare në Twitter, policia gjermane tha se nuk ka informacion të besueshëm për motivin e krimit dhe iu bë thirrje publikur që të mos përhapë lajme të pavërteta.
