Egjipti është trondotur nga një sulm terrorist pas dy vitesh qetësi. Pas shpërthimit të një bombe, dy turistë vietnamezë humbën jetën dhe 12 të tjerë u plagosën. Ngjarja ndodhi afër piramidave të Gizës në Egjipt, njoftoi ministria e Brendshme egjiptiane. Turistët gjendeshin në autobus në momentin kur shpërtheu bomba e montuar në skajin e rrugës. Ky është sulmi i parë që shënjestroi turistët në dy vitet e fundit. Egjipti po i lufton grupet militante islamike prej vitesh, pa arritur t’i shuajë plotësisht.
Sulmi ndodh ndërsa industria e turizmit të Egjiptit po tregon shenja të rimëkëmbjes pas disa vitesh për shkak të trazirave politike dhe dhunës që pasuan kryengritjen në 2011 që rrëzuan ish-udhëheqësin, Hosni Mubarak.