Presidentja e Kosovës, Vjosa Osmani, ka reaguar pas sulmeve ndaj gazetarëve të vendit në Leposaviç. Osmani u ka bërë thirrje të gjitha shteteve aleate që ta dënojnë sulmin ndaj gazetarëve që ndodhen gjatë ditës së sotme në veri.
Osmani ka shkruar në Twitter se përpjekjet për ta destabilizuar Kosovën do të dështojnë.
“Gazetarët në veri të vendit u sulmuan sërish brutalisht nga bandat kriminale. Ata që kryejnë këto sulme duhet të përballen me drejtësinë. Përpjekjet e tyre për të destabilizuar Kosovën do të dështojnë. Këto akte të tmerrshme të dhunës së vazhdueshme duhet të dënohen nga të gjithë. Sundimi i ligjit do të mbizotërojë”, ka shkruar Osmani në Twitter.
Sulmet ndaj gazetarëve i kanë dënuar edhe subjekte të partive politike në vend.
