Ish-kryetari i Partisë Demokratike Lulzim Basha ka dënuar sulmin me armë që u bë orët e para të së hënës ndaj Top Channel, ku si pasoj; humbi jetën edhe roja e godinës.
Në një reagim të bërë në llogarinë e tij në Twitter, Basha shpreh ngushëllimet për familjarët e rojës së sigurisë Pal Kola, i cili mbeti i vrarë si pasojë e sulmit. Po ashtu, ish-kryedemokrati bën thirrje për vendosjen e autorëve para drejtësisë.
Postimi i plotë
Dënoj me forcë sulmin me armë ndaj tv kombëtar Top Channel me pasojë vrasjen e rojes së sigurisë. Shpreh ngushëllimet e mia për familjarët e të ndjerit Pal Koka dhe bëj thirrje për vënien para drejtësisë të autorëve të këtij krimi të rëndë kundër jetës, sigurisë dhe medias.