Një ngjarje e rëndë është shënuar në orët e para të mëngjesit pranë godinës së televizionit Top Channel. Persona ende të paidentifikuar kanë qëlluar në drejtim të medias në rrethana ende të paqarta rreth orës 01:00. Si pasojë, ka humbur jetën roja i sigurisë i godinës, Pal Kola 60 vjeç.
Prokuroria e Tiranës po heton në dy pista të mundshme që dyshohet të jenë të lidhura me një emision investigimi dhe transaksionin e aksioneve të kësaj kompanie.
“Të paktën deri në këto momente janë dyshime për një investigim ende i pa publikuar i emisionit investigativ “Fiks fare”, por edhe nga ana tjetër dyshime se transaksioni i aksioneve të kësaj kompanie mund të ketë sjellë një reagim të tillë. Gjithsesi këto janë pista që Prokuroria e Tiranës dhe Policia po heton, ndërkohë kemi reagim nga politika kurse ende kompania nuk ka dal më një reagim”,-thotë gazetari Arsen Rusta.