Turqia u trondit të dielën nga një sulm terrorist. 6 viktima, 81 të plagosur nga të cilët 2 janë në gjendje kritike, është bilanci i shpërthimit të fuqishëm pranë sheshit Taksim në Stamboll. Ministri i Brendshëm, Suleyman Soylu tha se një person është arrestuar nga policia dhe hodhi dyshimet se përgjegjëse për këtë ngjarje është Partia e Punëtorëve të Kurdistanit (PKK).
“Së shpejti do t’u japim njerëzve një përgjigje për ata që na shkaktuan këtë dhimbje. Nga ana tjetër, hetimet për sulmin nga policia kanë përfunduar”.
Një ditë më parë dyshohej se sulmi terrorist ishte kryer nga një grua që qëndroi ulur në një stol pranë vendit të ngjarjes për 45 minuta duke u larguar vetëm pak minuta para shpërthimit.