Një qendër tregtare në qytetin Kremenchuk të Ukrainës është sulmuar këtë të hënë nga një raketë.
Sipas kryebashkiakut Vitaliy Meletskiy dhe presidentit Volodymyr Zelenskyy, në momentin e goditjes, në ndërtesë ndodheshin mbi një mijë njerëz.
Mediat ndërkombëtare raportojnë se dyshohet që kanë humbur jetën 2 persona, ndërsa dhjetëra të tjerë kanë mbetur të plagosur.
“Okupatorët kanë goditur një qendër tregtare me mbi një mijë civilë brenda. Qendra tregtare nuk përbënte asnjë rrezik për ushtrinë ruse dhe nuk përbënte asnjë vlerë strategjike për ata. Qendra është duke u djegur dhe ekipet e shpëtimit po përpiqen ta shuajnë zjarrin. Numri i viktimave është i pamundur të imagjinohet”, shkroi Zelenskyy.