Policia e Lezhës njofton se ka procedura penalisht dy persona pasi kanë goditur fizikisht me mjete të forta dy futbollistë të ekipit Besëlidhja e Lezhës.
Sipas policisë, ndaj tyre rëndojnë akuza “Dëmtime të tjera me dashje”, kryer në bashkëpunim.
Ngjarja
Një ditë më parë disa të rinj u konfliktuar me futbollistët afrikanë të ekipit, dhe nga pamjet e publikuara në media, këta të rinj mbajnë në duar shkopinj. Në video dëgjohet se ata thonë “Gjoka, Gjoka”, pasi nuk dinë shqip, duke përmendur emrin e presidentit të klubit.
Ndërkaq, vetë presidenti i klubit Gjok Noka në një prononcim për “Panorama Sport” e ka cilësuar të papranueshme sjelljen ndaj futbollistëve të huaj.
“Është për të ardhur keq. Ata janë disa djem të rinj në vend të huaj, kurse këtu del dikush dhe i provokon duke u vënë në dukje gjithnjë ngjyrën. Thjesht i provokojnë se janë me ngjyrë dhe më pas ata rebelohen dhe reagojnë në këtë mënyrë. Më vjen shumë keq që ndodhi kjo”, deklaroi Noka.