Zllatan Ibrahimoviç festoi sot 42-vjetorin e lindjes, teksa zgjodhi t’i bënte vetes një dhuratë speciale, në këtë ditë të shënuar. Suedezi zgjodhi një “Ferrari Purosangue”.
Bëhet fjalë për një SUV nga kompania e Maranellos. Çmimi? Fillon nga 390 mijë euro. Ibra duket se e ka kthyer si traditë që e respekton veten me një supermakinë për çdo ditëlindje.
Kjo makinë luksoze përmban motor V12 që jep 725 HP dhe 716 Nm çift rrotullues maksimal, arrin nga 0 në 100 km/h për vetëm 3.3 sekonda, arrin një shpejtësi maksimale prej 310 km/h.
Numra befasues që përputhen në mënyrë të përkryer me rekordet e karrierës futbollistike të gjigantit suedez. Zlatan është një adhurues i supermakinave, veçanërisht atyre ‘Made in Maranello’. Në fakt, në garazhin e tij milioner ka edhe Porshe, Audi, Volvo dhe më pas shumë Ferrari.