E ftuar në emisionin “Rudina”, Armina Mevani ka folur për lidhjen e saj me Shkëlzen Berishën, ndër të tjera ajo tha se, dasma nuk do të jetë as këtë vit.
Pas pyetjes së Rudinës, nëse dasma është afër, ajo konfirmoi, por tha se nuk do të jetë këtë vit. Armina është supersticioze dhe do që viti, i cili do të regjistrojë ditën më të bukur të jetës së saj, të mos jetë vit tek: “Nuk do jetë këtë vit. Unë nuk dua të jetë numër tek. Kam lexuar që martesa, për fat, duhet të jetë në vit çift. Derisa ne bashkëjetojmë, mendoj se nuk ka rëndësi… “ , – deklaroi Armina duke shtuar se përgatitjet i ka filluar: “Përgatitjet i kam bërë, bashkëpunimet i kam bërë, edhe me stilistët që tani…”
Kështu, edhe këtë vit nuk ka ceremoni. Por meqë përgatitjet kanë nisur, me siguri Armina nuk do të nxjerrë një arsye tjetër për ta shtyrë edhe në 2020-ën.